Hagnýtar upplýsingar
Opnunartími skólans
Skólinn er opinn frá kl. 8:00 alla virka daga. Kennsla hefst að jafnaði kl. 8.30. Þó byrja einhverjir nemendur kl. 8.10 einu sinni í viku ef þeir eru í íþróttum eða sundi fyrst á morgnana.
Skrifstofa
Opnunartími skrifstofu er sem hér segir:
- Mánudagar - fimmtudagar opið frá kl. 8:00 - 15:00
- Föstudagar opið frá kl. 8:00 - 14:20.
Morgunvakt er á kastalasvæði á skólalóðinni frá 8:10 þar sem nemendur geta leikið til skólabyrjunar. Þá geta nemendur í 1. og 2. bekk komið inn á miðrými í rólega lestrarstund eða spjall.
Nesti
Nemendur mæta með hollt og gott nesti sem þeir snæða í kennslustofunni að morgni. Öllum börnum stendur til boða að frá frían hádegismat.
Íþróttir og Sund
Íþróttakennsla er í íþróttasal Grandaskóla fyrir nemendur í 1. – 3. bekk, en íþróttakennsla nemenda í 4. – 7. bekk fer fram í KR heimilinu. Sundkennsla allra árganga er í Vesturbæjarlaug.
Símanotkun
Farsímanotkun er bönnuð í Grandaskóla en nemendur geta verið með síma ef hann er geymdur í töskunni á meðan skóla stendur.
Forfallatilkynningar
Tilkynna skal forföll í gegnum Mentor.is fyrir hvern dag sem barn er veikt og kemst ekki í skólann.
Sótt er um lengri sem styttri leyfi í gegnum Mentor.is